Video
0

الكمال

 

إن كنت عدماً، فالعدم غير معدوم
العدم هو مقابل الوجود
كالظلام في مواجهة النور
و كالقاتل في مواجهة الفاعل
والمرآة في مواجهة الشمس
أنا الغضب اللي معرفتش أحكم عليه
أنا الجهل اللي بفتي وبتنطط بيه
أنا اللي متأمرك.. متفزلك.. متلعبك.. مربوط عينيه
أنا اللي واقف و اللي ماسك، اللي قاعد و اللي سايق
أنا المفكر الحيوان، أنا اللي كنت في يوم، فكل شئ كان
أنا حكومة رؤوس الأموال، يابني
أنا المعوق، أنا اللي صوتي عالي
أنا اللي بطلب الديموقراطية وحقي دايماً أجيبه بدراعي
أنا تزاوج السلطة والمال
أنا الإستسهال، ابن عم الإستغفال
أنا المشروع المزيف و إهدار المال العام
أنا العبد و الأجير، المالك الفقير
أنا الكلام الكبير للمعاني الواضحة
وأنا اللي لما اترميت، ضعفت.. وافقت بالمصالحة
أنا العالم الواحد، أنا العمار، أنا ثروة البلد وسط طاولة القمار
طب أنا العيل اللي شايل السلاح
و أنا الطلقة اللي بتحرم المباح
و أنا كياس الدم الفاسدة اللي بتعدي السليم
يا عم أنا الشهادة والتعليم اللي مهما تعلى بيه ميأكلش عيش
أنا عينيهم على جيبك وأنا جيبك المعدوم
وأنا النافورة اللي بتنقط وأنا السقف المخروم
أنا العالم الثالث، خلاص اتعرى.. متسلطة عليه اوسخ عيون
أنا الدرج المفتوح، العملة الصعبة والجنيه
أنا ابن الإبتذال الإعلامي والرقابة على الجنس والسماح بيه
أنا التدين الشكلي وتكييف الشريعة ليه
أنا كره الغير لمجرد عدم العلم بيه
إفهم
أنا السكر اللي مهما تزود فيه، ميحليش
أنا الحجر اللي مهما تبني بيه، ميكفيش
أنا البحر اللي مهما تشرب منه، ميرويش
أنا هدوء الدوشة
أنا سكون الزحمة
أنا إزدواج غير عقلاني
أنا كائن تافهه، الشهوة اللي سيقاني
أنا أول نقطة مطر، وآخر بوء شاي
أنا جاهل، نائب البرلمان، قولي ازاي
أنا.. نعل الجزمة اللي اتهرى من غباوة النظام
أنا الديك اللي باض، وأنا الثور اللي اتحلب
القانون اللي اتركن، والدستور اللي إتكتب
أنا القاضي والمحامي، المتهم والقتيل
أنا الراجل اللي بشنب، بالل نفسه على السرير
يا رئيس الجمهورية، سلطتك منتهية
أنا كارتك اللي إتحرق وأنا ريحتك اللي فاحت
وأنا اللي كنت زيك فاسد لما كنت ساكت
أنا الشحات، العدمان، الفقران، الشمتان
أنا الزاهد الكادح العالم السارح
أنا اللامبالاه، مادة الدنيا والحياة
أنا الإستبداد، حب التملك والهوى
أنا ماضيك المريض، مستقبلك اللي اتهان
أنا المصطلح الجديد اللي إتعلمته عشان تبان
أنا اللي قتلت عشان أعيش يوم ميتقالك مفيش
أنا العامل اللي جاع
أنا الوقت اقوى سلاح
أنا العبد اللي أستحل، أستغل، بالتالي فل
أنا الضمير، أنا العيون، أنا المُقيد المغلول
أنا الشعب، أنا حواري النظام، أنا الرأسمالية
أنا الشيوعي اللي جيوبه متدفية
أنا الإستقرار
يسقط الإستقرار، أنا الحوار والسلام
أنا وهم الرأى الأمثل
أنا منظومة الكبت والإعدام
أنا الواو فى أمن الدولة، حرف الجيم فى التعتيم
وأنا الدال على النور بالرغم من جهلي بيه
أنا العدم
أنا الفضاء
أنا أهم وأصغر فصل فى الرواية
أنا بداية النهاية
أنا الشباك اللي اتقفل
أنا نكتة بايخة بيتضّحك عليها بملل
أنا قانون الطوارىء وثواني حظر التجوال
أنا واقع عالم إنفتاح الإنحلال
أنا السياسة الشرعية
أنا تقي الدين أحمد بن تيمية
أنا الفراغ وتعدد الهوية
أنا
كلب من كلاب الحزب الحاكم المغلوب
إفهم
أنا مش فرن العيش، أنا الدقيق المضروب
أنا ساعة التسلية
أنا الإلهاء
وأنا القبر اللي بيتحرق لما يعلن إكتفاء
أنا العالم الجديد
أنا الدهب.. الأرخص من الحديد
أنا اللي بيقولك الفقير فقير بضعفه
وأنا اللي مفهمك إن القوي يستحيل تستغنى عنه
أنا إبتسامتك.. ابتسامة خوف بدون صوت
أنا إحساسك بالأمان لحظة قبل الموت
أنا السر، أنا العادة
أنا مش فنجان القهوة السادة
أنا السكر اللي مهما تزود فيه، ميحليش
أنا الحجر اللي مهما تبنى بيه، ميكفيش
وأنا التوب اللي مهما تشدي وتنزلي فيه، ميغطيش
أنا صفحات العاصي فى كتابه اللي مخبيه
أنا ابن الشيطان اللي مقويه
أنا الحبر اللي خلص، وأنا الريق اللي نشف
أنا الصبر اللي زال، وأنا البدن اللي ضعف
أنا.. أضواء شوارع القاهرة، جذابة ساهرة، ساحرة.. كاذبة
إفهم
أصل أنا الليل اللي مفنجل، مش عيون الناس اللي بتنام زي ضميرك
أنا مش موجود بس وجودي ليه مكان
أنا العدم
أنا الفضاء
أنا العزل والإحتواء
أنا مش فكرة حلوة
أنا الكابوس
أنا الابتلاء
أنا الابتلاء
أنا الابتلاء
أنا الابتلاء
أنا الابتلاء
بكره بكدب، بظلم بعبد، باخد بعدم، بندم وأسجد
بكره
بكدب
بظلم
بعبد
باخد
بعدم
بندم
وأسجد
أنا
أنا الموت
ولكن
في أعماق التراب كان يسمع و يرى
وهذه المرة، لم ينزلق الى قبر الغرور الذي إنزلق اليه
لم يخرج بتفسير مألووف بأنه حبيب الله المختار إنما
إعترف بينه و بين نفسه بجهله
بجهلي
من هذه الدنيا لا أدري شيئاً
من هذه الدنيا لا أدري شيئاً
من هذه الدنيا لا أدري شيئاً

Advertisements

Say something nice or leave. Butthurt is intolerable yet I welcome positive criticism.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s